家姐考晒試, 妹妺考晒小學, 一切會歸平靜, 生活終於可以如常.
過去一段時間, 家人話題無可避免地圍繞學校, 考試等, 大家都講到悶.
於是, 媽媽攪攪新意思. 有一晚食飯時, 突然要大家輪流講下某家人的優點, 講完後由其他人估佢講緊邊個.
家姐首先講有一個人最靚: 結果媽媽得到最多票數
妹妹話有一個人最勤力: 結果家姐得到最多票數
媽媽話有一個人最關心人: 結果妹妺得到最多票數
爸爸見到個個都得人欣賞, 差點想話有一個人最高之類, 但最後就話有一個人最懂得欣賞人: 結果得到同情票, 順利當選
講到最大方時, 個個都即刻請人食野, 總之為求得票, 人人扮野. 大家都發掘對方優點, 俾人欣賞總會係好開心的.
這個上半部份, 我們留意到妹妹差不多每次都投自己, 可見佢對自己好有自信, 亦好介意人地對佢的睇法. 家姐則相對合理, 可能真是年長一點吧.
有優點, 就總有缺點, 但媽媽似乎不想大家聚焦這部份, 於是引導大家講一些古怪事, 例如誰人最百厭, 誰人最大脾氣等等, 大家不正不經的嘻笑一番就過去了.
一家人吃飯, 不就是要高高興興嗎?
沒有留言:
張貼留言